THERMUTHIACUS

THERMUTHIACUS

fluv. Graecis ποταμὸς Θερμουθιακὸς unus est ex ramis seu brachiis Nili. A cuius maiori flumine, qui μέγας ποταμὸς Graecis, ad ipsum Deltae verticem, duae sese findunt ectropae, quae recta Septentrionem petunt. Harum altera dicitur Thermuthiacus fluv. et per Sebennyticum ostium exoneratur; alteri nomen est Taly quae per Bolbitinum exit. Inter maiorem vero fluvium et fluv. Thermuthiacum, Sain urbem et Saiticum nomum collocat Ptolemaeus. Vide Salmas. ad Solin. p. 477. et 478.